Ministru Ensinu Superiór, Siénsia no KulturaTATOLI/ Egas Cristóvão

DILI, 20 setembru 2021 (TATOLI)—Ministru Ensinu Superiór Siénsia no Kultura (MESSK) Longuinhos dos Santos, hateten, Governu liuhosi ministériu tutela sei atribui idemnizasaun ba komunidade afetada konstrusaun sidade universitária Aileu, hafoin halibur hotu konta bankária sira.

“Kona-ba sidade universitária Aileu, daudaun ita tama ona faze atu halo indemnizasaun ba komunidade afetada sira. kuandu  komunidade-sira hahú loke ona sira-nia konta bankária mak Governu bele halo ona pagamentu,” Ministru Ensinu Superiór Siénsia no Kultura (MESSK), Longuinhos dos Santos, hateten foin lalais ne’e iha Palásiu Governu.

Notísia relevante: Governu define kompensasaun utiliza terrenu ba projetu Sidade Universitária Aileu

Nune’e, hafoin prosesu ne’e, Governu hahú halo pagamentu ba komunidade afetada hodi bele liberta ona terrenu hodi hahú konstrusaun iha tinan oin.

Iha sorin seluk, Xefe suku Fahiria, munisípiu Aileu, Alberto Lou-Teus, informa, iha ninia suku rasik, iha aldeia Sarin, kuaze populasun hotu afetadu ba grande ne’e, maibé realidade iha de’it na’in-haat mak tama iha lista afetadu.

“Ita-nia populasaun na’in-haat halo ona deklarasaun aseita atu harii sidade uiversitária iha Aileu,” líder komunitáriu ne’e informa ba Agência TATOLI, via telefónika, segunda ne’e.

Antes ne’e, Governu prevee millaun $1,2 ba planu indemnizasaun ba komunidade afetada konstrusaun, maibé kalkulasaun provizóriu atu selu indemnizasaun pur volta millaun $1,3 no prevee mós $642.000 atu selu reklamasaun ba komunidade.

Governu sei atribui indemnizasaun iha tempu badak, tuir klasifikasaun no kategoria  tolu hanesan ba komunidade nia uma, rai no ai-horis.

Tuir levantamentu dadus iha implementasaun projetu, iha uma-kain 44 mak lakon uma, abitante 102 lakon rai no abitante 58 lakon ai-horis.

Jornalista : Tomé Amado

Editora      : Julia Chatarina

HAKEREK NO HATÁN

Please enter your comment!
Please enter your name here