iklan

COVID-19, MUNISÍPIU, SAÚDE, VIQUEQUE

Abitante Viqueque 64% simu ona vasina

Abitante Viqueque 64% simu ona vasina

Ekipa liña frente iha Munisípiu Viqueque, hahú simu vasina AstraZeneca doze daruak, segunda (14/06/2021). Imajen Tatoli/Vitorino Lopes da Costa.

VIQUEQUE, 20 setembru 2021 (TATOLI)—Dadus hosi Serbisu Saúde Munisípiu Viqueque hatudu katak, tarjetu atu oferese vasina kontra COVID-19 ba populasaun Viqueque hamutuk 43.939, no hosi númeru ne’e iha na’in 28.132 ho nia persentajen 64 (%) mak simu ona.

“Prosesu vasina ita kontinua hela koordena ho autoridade lokál atu manan konfiansa populasaun hodi partisipa,” Diretór Serbisu Saúde Viqueque, Francisco de Carvalho  hateten iha knar fatin, segunda ne’e.

Notísia relevante:Sidadaun 414.375 simu ona vasina doze dahuluk

Totál persentajen iha leten, hosi vasina doze daruak hamutuk 14.964 atinji 53%, no apela nafatin ba komunidade atu hakbesik an ba postu vasinasaun ne’ebé iha atu vasina.

Kazu COVID-19 iha munisípiu Viqueque ativu iha izolamentu hamutuk na’in 22, mane na’in-10 no feto na’in 12, kazu rekoperadu hosi 19 setembru 2021 totál na’in 110 kompostu hosi mane na’in 49 no feto na’in 69.

Jornalista: Vitorino Lopes da Costa

Editór: Cipriano Colo

iklan
iklan

Leave a Reply

iklan
error: Content is protected !!