Jogu Liga Feto Timor (LFT), ne’ebé hala’o iha kampu Federasaun Futeból Timor–Leste (FFTL), Díli, sábadu (18/09/21). Imajen FFTL.

DILI, 18 setembru 2021 (TATOLI)—Jogu Liga Feto Timor (LFT), ne’ebé hala’o iha kampu Federasaun Futeból Timor–Leste (FFTL), Díli, sábadu ne’e, ekipa ASS Baucau, manan VDL FC ho rezultadu 2-0.

Ekipa rua hala’o jogu ho ofensivu liu hosi ritmu ne’ebé makás, hodi buka hatama golu ba malu, desde kedan minutu primeiru tékniku ida-idak nian.

Notísia relevante:Jogu sub-22 epoka 2021, Madiran FC sai kampeaun

ASS Baucau iha liu forsa no oportunidade hodi karrega golu ida, iha minutu ‘9’ nu’udár oportunidade di’ak liu hosi jogadora Delciana Helena (22) lori rezultadu produsaun dahuluk ba 1-0.

Jogu kontinua manas liu tan, VDL nafatin esforsu hodi halo golu ruma, maibé la konsege tanba defeza hosi ekipa Baucau sempre buka hodi hamate sira-nia jogu. Nune’e, hakat ba minutu 41, jogadora Baucau Joana (10) marka tán golu daruak hodi hatur rezultadu ba 2-0.

Hosi golu ne’e mak termina ona jogu iha primeira parte ba ekipa rua no provizoriamente  VDL tenke hela ho zero.

Iha jogu segunda parte, ekipa rua (2) nafatin hatudu jogu hodi lansa nafatin kontra ho atake ba malu iha kampu laran no Baucau kontinua mantein pozisaun hodi halo jogu ho kalma no defensivu oitoan.

Nune’e mós VDL halo atake makas atu bele produs golu ruma. Oportunidade ba avansadu VDL nian maibé la konsege aproveita tanba bola la kona alvu.

Ho ritmu jogu hosi klube rua iha segunda parte ne’e, obrigadu tenke hela de’it ho kontra atake tanba laiha tan golu ruma to’o minutu 90 termina, vitoria hela ba Baucau no VDL tenke derota.

Jogu ne’e lidera hosi árbitru Dencia Martins, juiz liña, Andre Goçalves, Helder dos Santos no árbitru rezerva Sonia de Araújo.

Jornalista: Hrotencio Sanchez

Editór: Cipriano Colo

HAKEREK NO HATÁN

Please enter your comment!
Please enter your name here