Trabailadores saneamentu sira raut hela liu iha area Audian, Dili, sesta 10/9/2021.Imajen Tatoli/Antonio Goncalves

DILI, 17 setembru 2021 (TATOLI)-Prezidente Interinu Autoridade Munisípiu Dili, António Moniz Clau informa, Orsamentu Jerál Estadu (OJE) 2021 ne’ebé aloka ba Munisípiu Dili ho montante hamutuk $8,667,122.00 nia ezekusaun atinje 55,10%.

Notísia Relevante : Munisípiu Dili distribui foos ba vítima inundasaun uma-kain 142

“OJE 2021 ne’ebé aloka mai ita-nia Munisípiu Dili hamutuk $8,667,122.00, ne’ebé ami ezekuta hahú iha fulan janeiru mai to’o loron 09 setembru 2021, atinje 55,10%, hahú hosi saláriu vensimentu, bem servisu, transferénsia públika,” António Moniz Clau hateten ba Agência Tatoli iha nia knaar fatin, Mataduro, Dili, sesta ne’e.

Kona-ba kapitál dezenvolvimentu, nia dehan, sira seidauk ezekuta tanba sitasaun COVID-19, ne’ebé orsamentu ba kapitál dezenvolvimentu ne’e $260,984.00 sei tomak, maibé agora iha obrigasaun kompromisu garante katak kategoria kapitál dezenvolvimentu ba to’o dezembru ne’e sei iha progresu.

OJE 2021 Munisípiu Dili nian  ne’e aloka ba saláriu vensimentu hamutuk $2,071,044.00, bens servisu $2,905,574.00, kapitál menór $556,132.00, kapitál dezenvolvimentu $260,984.00 no transferénsia públika $2,873,388,00.

Jornalista   : Arminda Fonseca

Editór        : Francisco Simões

HAKEREK NO HATÁN

Please enter your comment!
Please enter your name here