Administradór Postu Administrativu Zumalai, Munisípiu Covalima Rui dos Santos. Imajen Tatoli/Celestina Teles

COVALIMA, 17 setembru 2021 (TATOLI) – Administradór Postu Administrativu Zumalai, Munisípiu Covalima Rui dos Santos, promete katak durante nia mandatu sei tau prioridade hadi’a  estrada,  dada bee-moos,  no  eletrisidade ba komunidade.

Notísia Relevante :  ADM fó pose kargu xefia kompleta estrutura postu administrativu hitu

“Iha ha’u nia mandatu ha’u prioridade ba programa sira hanesan hadi’a estrada iha parte Haree Kain ne’ebé baliza ho Ainaro Casa, dada eletrisidade, no dada  bee-moos ba komunidade,” Rui dos Santos, hateten ba jornalista iha salaun Administrasaun Covalima, sesta ne’e.

Maske komunidade  Postu Administrativu Zumalai  rasik iha estrada protokolu asesu ona  estrada, eletrisidade no Bee Moos, maibé komunidade parte haree kain baliza ho Ainaro kasa seidauk asesu estrada, iha Suku Mape, Lour no Usecai, seidauk asesu ba eletrisidade no komunidade balun sei konsume bee-mota tanba   tempu bailoro volume  bee-menus.

“Suku tolu iha Zumalai ne’ebé ha’u mensiona ne’e mak seidauk asesu ba eletrisidade tanba ne’e iha ha’u nia mandatu ha’u prioridade ba programa sira hanesan dada bee-moos, eletrisidade no estrada,” Rui dehan.

Postu Administrativu Zumalai, Munisípiu Covalima, kompostu  hosi Suku Fatuleto, Lepo, Raimea, Tashilin  hela Suku Usecai Lour  no Mape mak seidauk asesu ba eletrisidade.

Jornalista   : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here