Prezidente Konsellu Radio Komunidade Defisiénte, Gaspar Afonso. Imajen Tatoli/Francisco Sony.

DILI, 15 setembru 2021 (TATOLI)—World Vision Timor-Leste (WVTL) iha interese atu apoiu Asosiasaun Halibur Defisiénsia Matan Timor-Leste (AHDMTL) hodi kapasita membru AHDMTL kona-bá protesaun labarik no igualdade jéneru iha futuru.

“Objetivu atu ekipa AHDMTL no WVTL hodi fahe informasaun kona-bá programa protesaun ba labarik no igualdade jenéru,” Diretór Ezekutivu AHDMTL, Gaspar Afonso hateten ba Agência TATOLI, liuhosi WhatsApp, kinta ne’e.

Iha enkontru ne’e, WVTL orgullu no kontente tebes hasoru malu ho ekipa AHDMTL hodi bele rona programa sira no mós ekipa WVTL sei tau planu espesífiku ba maluk defisiénsia matan sira.

“World Vision Timor-Leste hakarak tebes serbisu no kolabora hamutuk ho AHDMTL nia ekipa sira, bainhira WVTL nia officer iha munisípiu sira-ne’ebé identifika no hetan ema ho defisiénsia matan sira iha munisípiu no sei referral ba AHDMTL,” nia dehan.

Totál ema ho defisiénsia iha territóriu nasionál hamutuk 38.118 kompostu hosi Munisípiu Aileu iha 1.736 Ainaro 1.395, Baucau 5.316, Bobonaro 3.247, Covalima 2.937, Dili 4.016, Ermera 4.421, Lautem 2.248, Liquiça 3.017, Manatuto 1.734, Manufahi 1.748. Oé-cusse 2.887 no Munisípiu Viqueque iha 3.416.

Jornalista : Osória Marques

Editór      : Cancio Ximenes

 

HAKEREK NO HATÁN

Please enter your comment!
Please enter your name here