Sekertáriu Estadu Jobentude no Desportu (SEJD), Abrão Saldanha. Imajen Tatoli/Francisco Sony

DILI, 16 setembru 2021 (TATOLI) – Sekretáriu Estadu Juventude no Desportu (SEJD) Abrão Saldanha hateten, Governu Korea liuhosi nia ajénsia KOICA iha Timor-Leste koopera di’ak tebes hodi servisu hamutuk  ho SEJD harii kampu futeból hamutuk haat (4) iha kapitál Dili.

“KOICA ho ami halo hela levantamentu ba oinsá halo dezeñu ba kampu haat ne’ebé sei halo iha tinan oin iha Dili,”  Abrão Saldanha ba Agência Tatoli iha edifísiu SEJD, Dili, kinta ne’e.

“Konforme Embaixadór Korea dehan ba ha’u, tinan ne’e, ami hamutuk para aseita dezeñu detalladu atu tinan oin hahú ona konstrusaun,” nia tenik.

Relasiona ho rai atu harii kampu hirak ne’e ne’ebé  iha polémika uitoan, maibé SEJD esforsu ko’alia ho komunidade no autoridade lokál sira konsege finaliza no rezolve hotu ona  hodi hein de’it  prosesu konstrusaun.

Kampu haat (4) ne’ebé sei harii mak kampu Comoro, kampu ida iha Kampung Alor, kampu Bintang Bidau no kampu Culau, Becora. Ba kampu hirak ne’e sei finansia hotu hosi KOICA ho montante millaun  $6,5.

Jornalista   : Hrotencio Sanchez

Editór            : Francisco Simões

HAKEREK NO HATÁN

Please enter your comment!
Please enter your name here