Logotipu Pradet.

DILI, 16 setembru 2021 (TATOLI)—Pradet fó formasaun ba grupu orasaun iha Kapela Nossa Senhora da Graca Tasi-tolu, atu promove saúde mentál  iha situasaun pandemia COVID-19.

Formasaun ne’e ho durasaun loron rua hahú 16-17 setembru ho tópiku, promove saúde mentál  iha situasaun pademia COVID-19, liuliu ba xefe joventude,  grupu orasaun, THS-THM, apostoladu sira ne’ebé konsideradu hanesan liña frente tanba sira atende sarani barak.

Notísia relevante:PRADET rejista kazu 235 violénsia ba jéneru iha rejionál leste

“Tanba pandemia COVID-19  ne’e hamosu presaun psikolojia hanesan ema senti stress, dalaruma tauk, atarapalla, entaun formasaun  ida-ne’e atu promove  liu tán sira-nia saúde mentál,” Koordenadór  Programa Asisténsia moras mentál Pradet, Nicolau Vicente Ximenes, hateten ba jornalista iha Kapela Nossa Senhora da Graca, Tasi-tolu, kinta ne’e.

Iha fatin hanesan, Responsável Konsellu Pastorál Kapela Tasi-tolu, Osório Babo kontenti ho formasaun ne’e tanba atu prepara mentál ba kondisaun hotu-hotu durante situasaun pandemia COVID-19.

Partispa iha formasaun ne’e hamutuk ema na’in 25 kompostu hosi xefe joventude,  grupu orasaun, THS-THM no apostoladu orasaun sira.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here