Pesoál saúde-sira hala’o preparasaun molok teste swab Covid-19 ba komunidade iha Sentru Integradu Jestaun Krize (SIJK), kuarta (25/08/21). Imajen Tatoli/António Gonçalves.

COVALIMA, 16 setembru 2021 (TATOLI) – Xefe Departamentu Maternidade Ospitál Referral Covalima,  Carmen de Jesus Gusmão, informa  iha agostu, tinan ne’e, Covalima rejista inan isin-rua na’in-lima  pozitivu COVID-19.

“Ami mós halo atendimentu ba inan isin-rua ne’ebé mak pozitivu COVID-19 iha fulan agostu hamutuk na’in-lima,” Carmen de Jesus Gusmão informa ba Agência Tatoli iha Ospitál Referral  Covalima, kinta ne’e.

Maske pasiente pozitivu COVID-19 iha sala maternidade, parteira sira uza ekipamentu APD hodi halo atendimentu fó partu ba inan isin-rua hafoin ba sala izolamentu.

Tuir protokolu saúde bainhira inan isin partu tenke haketak bebé hosi nia inan,  maibé agora bebé tenke hamutuk fali ho nia inan, nune’e inan bele fó susu ba nia oan tanba  la fó impaktu ba nia oan hodi haree ba iha teste PCR as.

Pasiente na’in-lima ne’ebé pozitivu COVID019 hafoin atendimentu fó partu lori nia ba izolamentu hodi kontinua halo teste PCR.

Jornalista   : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here