Ministru Trasporte no Komunikasaun, José Agostinho da Silva. Imajen TATOLI/Francisco Sony

DILI, 16 setembru 2021 (TATOLI)–Ministru Transporte no Komunikasaun (MTK), José Agostinho da Silva, hasoru malu ho Ministru-Ministru (PM), Taur Matan Ruak,  hodi relata kona-ba servisu ministériu inklui taxa ezekusaun ba tinan fiskál 2021.

Bazeia ba portál transparénsia, alokasaun orsamentu ba MTK tinan ne’e ho $11.806.255,67, ho taxa ezekusaun atinje ona 64%, ne’ebé korresponde $5.558.672,48, ho saldo atuál $5.742.157,88.

“Ita esforsu maka’as atu tinan ne’e nia rohan, ita-nian taxa ezekusaun bele di’ak. Kona-ba kategoria kapitál menor ne’e balun seidauk konklui tanba prosesu aprovizionamentu, nune’e mós kapital dezenvolvimentu ninian, prosesu balun seidauk konklui hotu maibé tempu badak sei konklui,” Ministru José Agostinho, hateten, iha Rezidénsia Ofisiál PM, Farol, kinta ne’e.

Alokasaun orsamentu ba ministériu ne’e, ba Gabinete Ministru Transporte no Komunikasaun $651.258, Diresaun Jerál Transporte no Komunikasaun $7.284.085,67, Diresaun Jerál Administrasaun no Finansa $3.870.912.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here