Sekretária Estadu Igualdade no Inklusaun, Maria Jose da Fonseca Monteiro de Jesus. Imajen Tatoli/ Egas Cristovão.

DILI, 15 setembru 2021 (TATOLI)—Sekretária Estadu Igualdade no Inkluzaun (SEII), Maria José da Fonseca Monteiro de Jesus, hateten iha trimestre dahuluk no daruak ne’ebé hahú hosi janeiru to’o agostu ne’e, SEII ezekuta ona 35% hosi Orsamentu Jerál Estadu (OJE) 2021 ho totál $2.553.850.

Notísia Relevante: OJE 2021, SEII ezekuta ona 28%

“Hosi janeiru to’o agostu, ami ezekuta ona 35% hosi OJE 2021 totál $827.979,25 hosi osan ne’ebé aloka ba SEII hamutuk $2.553.850,” maria José da Fonseca Monteiro de Jesus hatete ba Agência TATOLI, iha salaun Katedral Vila Verde, Dili, kuarta ne’e.

Hosi osan $2.553.850, nia informa, SEII transfere tiha hodi kontribui ba programa cesta bázika nian mak SEII foti 6% ne’ebé sei foti liuhosi kategória transferénsia públika no kapitál menór ho montante hamutuk $1.163.200, entaun osan hela $2.390.650 mak hodi uza ba programa sira-ne’e.

Hosi 35% ne’e, Governante ne’e hatutan, saláriu no vensimentu $262.970 (47%), bens servisu $479.009 (45%), kapitál menór $56.000 (36%), transferénsia públika $30.000 (5%) no daudaun ne’e osan hela $1.562.670,75.

Ezekusaun ne’e prioridade liu ba programa abordajen integrada jéneru no inkluzaun iha polítika, lei, programa, planu no orsamentu Governu nian no mós komunidade; empoderamentu ekonómiku no partisipasaun feto iha polítika no iha nivel foti-desizaun; prevensaun ba violénsia bazea ba jéneru; no governasaun di’ak no jestaun institusionál.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here