Ilustrasaun ema tuir formasaun. Imajen/Espesiál

DILI, 15 setembru 2021 (TATOLI)—Diretora Centro Treinamento Integrál no Desenvolvimento (CTID) Canossa Baucau, Me. Maria Filomena da Costa Freitas, informa tuir planu CTID Canossa Baucau sei halo abertura lansamentu ba formasaun movel iha Munisípiu Viqueque iha loron 08 setembru tinnan 2021.

Notísia Relevante: CTID Baucau sei fó formasaun movel ba empregu-23 iha viqueque

“Ami-nia formasaun movel ne’e, ami halo hela ami-nia planu implementasaun.iha fulan setembru nia laran ne’e. Ami atu ba Díli sosa materiál, hafoin ne’e ami sei halo ami-nia loron abertura iha loron 08 setembru ba lansamentu formasaun movel nian,” Madre Maria Filomena da Costa Freitas informa ba Agência Tatoli, via telefónika, kuarta ne’e.

Iha serimónia abertura ba formasaun movel ne’e, CTID Baucau sei konvida Sekretária Estadu Formasaun Profesionál no Empregu (SEFOPE), Institutu Nasionál Dezenvolvimentu Mão de Obra (INDMO), autoridade munisipál no autoridade lokál iha munisípiu Viqueque.

Formasaun movel ne’e sei halo durante semana rua ne’ebé sei hahú hosi loron 08 to’o 19 novembru tinan ne’e no iha loron 20 novembru ne’e, CTID sei halo estudu komparativu hodi lori partisipante sira mai visita Hotel iha Baucau no restaurante sira, nune’e iha loron 22 novembru ne’e halo graduasaun.

Entretantu totál partisipante ne’ebé partisipa iha formasaun movel ne’e hamutuk na’in-23, mai hosi ema-ne’ebé servisu ona iha restaurante, alojamentu no guest house.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here