Estudante Eskola Sekundária Jerál Públiku Suai (ESPS). Imajen Tatoli/Celestina Teles

COVALIMA, 14 setembru 2021 (TATOLI) –Estudante Eskola Sekundária Jerál Públiku Suai preokupa desizaun hosi Ministériu Edukasaun Juventude no Desportu (MEJD) hodi hasai despaixu suspende aula prejensiál tanba evolusaun COVID-19.

“Ministru hasai despaixu hodi  suspende aula prejensiál ita haree merkadu no misa kontinua la’o nafatin, tanbasá ida mak tenke  suspende aula prejensiál,” Estudante ESJP, Julião Correia hato’o preokupasaun liuhosi workshop dezafiu setór edukasaun iha pandemia COVID-19 iha salaun administrasaun Munisipál Covalima, kuarta ne’e.

Diretór Servisu Edukasaun Munisípiu Covalima, Edmundo Pereira klarifika, Governu deside kontinua relativa merkadu no misa ema hotu ba ho konsiénsia no la iha risku.

“Ita tenke kolabora ho profisionál saúde sira hodi simu vasina no  kumpre regra sira hanesan uza máskara, fase-liman ho sabaun no mós distánsia sosiál, nune’e bele redus número kazu pozitivu COVID-19,” Edmundo Pereira hateten.

Nia hateten, Ministériu Edukasaun Juventude no Desportu lakohi foti risku no kontinua foti  desizaun hodi suspende aula prejensiál no kontinua ho programa eskola ba uma ka distribuisaun rezumu matéria ba estudante sira.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here