Eskola Bázika Sentrál (EBC) Suai Loro, Postu Administrativu Suai Villa, Munisípiu Covalima. Imajen Tatoli/Celestina Teles

COVALIMA, 14 setembru 2021 (TATOLI) – Diretór Servisu Edukasaun Munisípiu Covalima, Edmundo Pereira, hateten iha tinan 2022, Ministériu Edukasaun Juventude no Desportu (MEJD) sei reabilita tan  eskola lima iha Covalima.

“Ha’u simu ona informasaun katak tinan oin ita sei hetan projetu lima de’it hodi konstrui no reabilita eskola iha Covalima,” Edmundo Pereira informa ba jornalista iha salaun Administrasaun Covalima, tersa ne’e.

Maske Ministériu Edukasaun iha planu hodi halo reabilitasaun eskola sira ho fazeadamente hodi kria kondisaun ba estudante sira estuda, maibé estudante sira la iha vontade atu aprende.

Diretór Servisu Edukasaun Munisípiu Covalima, apela ba estudante sira iha Covalima atu estuda labele tanba obrigasaun la’ós tanba nesesidade.

Dadus hosi Edukasaun Covalima hahú hosi pre-escolar to’o ensinu Sekundáriu Jerál Públiku no eskola Sekundáriu Jerál tékniku vokasionál hamutuk 128 hodi númeru ne’e eskola pre-eskolar 26, ensinu báziku sentru ho agrupamentu hamutuk 23, eskola sekundáriu jerál rua (2), eskola téknika vokasionál tolu  (3) no eskola caffe ida (1).

Jornalista   : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here