Sekretária Meza Parlamentu Nasionál, Deputada Lídia Norberta dos Santos Martins,

DILI, 13 setembru 2021 (TATOLI)–Prezidente Parlamentu Nasionál, Deputadu Aniceto Longuinhos Guterres Lopes, hala’o viajen ba Áustria tanba lei autorizasaun estadu emerjénsia fó dalan.

Sekretária Meza Parlamentu Nasionál, Deputada Lídia Norberta dos Santos Martins, fó-sai katak viajen ekipa parlamentu ba Áustria ne’e reprezenta Estadu iha konferénsia mundiál ne’e.

Notísia Relevante: Aniceto Guterres-Puan Maharani diskute futuru kooperasaun iha Áustria

“Ba ne’e nu’udar órgaun soberania. Nasaun ne’e la’o ba oin tenke halo duni hanesan ne’e. Nia ba privadu ne’e buat seluk ida. Ita tenke haree didi’ak iha lei autorizasaun Estadu Emerjénsia ne’e tanba artigu ida ko’aia kona-ba funsionamentu órgaun soberania sira,” Deputada Lídia Martins informa ba jornalista sira, iha uma fukun, segunda ne’e.

Iha lei auorizasaun estadu emerjénsia ne’ebé Parlamentu Nasionál autoriza Prezidente Repúblika dekreta, previstu iha artigu 7 (órgaun soberania), katak deklarasaun estadu emerjénsia la afeta ba aplikasaun regra konstitusionál relasaun ho kompeténsia no funsionamentu órgaun soberania sira ho direitu no imunidade titulár.

Lei autorizasaun deklarasaun estadu emerjénsia ho versaun portugués dehan nune’e, A declaração do estado de emergência não afeta a aplicação das regras constitucionais realtivas á competência e ao funcionamento dos órgãos de Soberania e bom assim os direitos e imunidades dos seus titulares.

Sekretária Meza PN ne’e fó-sai katak, bainhira Prezidente Parlamentu Nasionál ho nia ekipa fila mai Timor-Leste, sira hirak ne’e sei submete ba kuarentena.

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here