Mákina sira iha sede MOKATIL, iha Aileu. Imajen TATOLI/Antónia Gusmão

AILEU, 13 setembru 2021 (TATOLI)–Sekretaria Estadu Kooperativa (SEKoop) planeia atu koopera ho sentru formasaun Don Bosco, hodi halo manutensaun ba mákina produsaun Movimentu Kamponeza Timor-Leste (MOKATIL) iha munisípiu Aileu.

“Ha’u halo ona negósiu ho kompañia sira, inklui Don Bosco atu halo manutensaun ba mákina sira ne’ebé tinan-rua ona la uza, to’os ne’ebé la halo atividade, du’ut boot ona, nune’e bele kontinua halo produsaun,” Sekretáriu Estadu Kooperativa, Elizário Ferreira, hateten, hafoin abertura formasaun iha suku Liurai, postu administrativu Aileu, munisípiu Aileu, segunda ne’e.

Iha biban hanesan, Prezidente MOKATIL, Marcelino Mendonça, hateten, mákina sira  durante ne’e kondisaun di’ak hela, tanba ne’e maka iha implementasaun Cesta Bázika iha Aileu, sira rasik prodús batar hamutuk tonelada 50.

Notísia relevante: Governu enserra distribuisaun Cesta Bázika iha Aileu

“Ami-nia mákina sira ne’e la a’at, maibé atu halo manutensaun ne’e ami agradese tebes tanba mákina balun mak ami seidauk uza to’o agora,” nia haktuir.

Mákina sira ne’e hanesan dulas batar, sorghum (batar ain naruk), hamoos ai-tahan no seluk tan.

Mákina hetan apoia hosi VII Governu liuhosi SEKoop, hodi uza ba atividade agrikultura.

Jornalista : Antónia Gusmão

Editora      : Julia Chatarina

HAKEREK NO HATÁN

Please enter your comment!
Please enter your name here