Diretór Jerál SEPS, Superintendente Polísia, Ismael da Costa Babo

DILI, 13 setembru 2021 (TATOLI)—Sekretária Estadu Protesaun Sivíl (SEPS), fó sai katak, Timor-Leste (TL) hetan alerta hosi metrolojia Austrália katak, posibilidade sei akontese fenómenu La Nina udan no anin boot ho intensidade boot iha fulan outubru to’o tinan oin.

Tuir previzaun sistema metrolojia ne’e, TL mós udan sei tun sedu, la hanesan tinan kotuk ne’ebé akompaña daudaun tama iha setembru udan komesa monu rai.

Notísia relevante:Vítima inundasaun Manleuana husu Governu apoiu materiál konstrusaun

Alende ne’e, tuir previzaun katak, udan sei tau ho intensidade boot no anin hanesan iha 04 abríl kauza hosi fenomenu La Nina.

“Mosu tanba iha nasaun balun udan boot, nune’e afeta mai ita. Daudaun ne’e rai-manas akompaña ho forma ozonu abubu ne’ebé iha ponténsia boot sei kobre territóriu tomak, hodi provoka udan mai sedu ho intensidade boot,” Diretór Jerál SEPS, Superintendente Polísia, Ismael da Costa Babo,  hateten ba jornalista-sira iha knaar fatin, Caicoli, segunda ne’e.

Nia husu ba komunidade iha territóriu atu kuidadu an, liu-liu sira ne’ebé hela iha área risku dezastre, hanesan mota laran no mota ninin, foho lolon, lagoa ninin atu atensaun, bainhira udan no anin boot tenke hadook aan hosi fatin ba fali fatin seguru.

SEPS mós halo koordenasaun ho liña ministeriál no parseiru nasionál no internasionál, bainhira akontese dezastre, prontu halo intervensaun ba asisténsia.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here