Administradór Munisípiu Ainaro, Leovigildo Amaral Pereira. Imajen/Facebook: Racom Maubisse Mauloko.

DILI, 12 setembru 2021 (TATOLI)—Administrador Munisípiu Ainaro, Leovigildo Amaral, hateten liuhosi aprezentasaun proposta ba Komité Revizaun Orsamentu Polítiuu (KROP) kona-ba tetu Orsamentu Jerál Estadu (OJE) 2022, Munisípiu Ainaro propoin adisionál hamutuk millaun $5,3.

“Iha reuniaun no aprezenta proposta ba Komité Revizaun Orsamentu Políitka (KROP), ami husu adisionál millaun $5,3 hodi reforsa tetu Orsamentu Jeral Estadu (OJE) 2022 ho totál millaun $2,9 ne’ebé tetu ba-mai la sufisiente,” Leovigildo Amaral hateten via telefónika, segunda ne’e.

Hosi osan adisionál millaun $5.3 ne’e, nia infroma, sei fó prioridade ba programa ualu (8) mak boa-governasaun, edukasaun no programasaun, saúde, estrada no ponte, água no saneamentu, agrikultura, igualdade no inkluzaun sosiál no programa seguransa nasionál.

“Totál osan adisionál millaun $5,3 ho tetu millaun $2,9 ne’e, ami hanoin bele hala’o programa ualu ne’e iha tinan 2022 nian, tanba totál osan ba ami hosi unisípiu Ainaro nian ne’e hamutuk milliaun $8,2,” nia informa.

Nune’e mós, orsamentu hirak ne’e sei utiliza ba merenda eskolár, parte saúde nian liuu-liu prevensaun COVID-19, dezastre naturál inklui ho komunidade vulnerável sira.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here