Administradór Munisípiu Covalima, Francisco de Andrade. Imajen Tatoli/Celestina Teles

COVALIMA, 13 setembru 2021 (TATOLI)- Administradór Munisípiu Covalima, Francisco de Andrade, informa Orsamentu Jerál Estadu (OJE) 2021 aloka ba Munisípiu Covalima ho montante $4,414,2082 nia ezekusaun atinje 62%.

“Foin daudauk aloka orsamentu 2021 mai iha Munisípiu Covalima montante  $4,414,2082 nia ezekusaun atinje ona 62% hahú hosi saláriu vensimentu, bens servisu, transferénsia  públika, kapitál  menór no kapitál dezenvolvimentu,” Administradór Munisípiu Covalima, Francisco de Andrade informa ba Agênsia Tatoli,iha nia kna’ar fatin, segunda ne’e.

Nia hateten, kona-bá kapitál dezenvolvimentu reabilita edifísiu Postu Administrativu Maucatar no konstrui rezidénsia Administradór Munisípiu Covalima seidauk hahú tanba sei hein hela BoQ.

Orsamentu 2021 Munisípiu Covalima montante  $4,414,2082 ne’ebé aloka ba saláriu vensimentu millaun  $1,2-resin, bens servisu millaun $1,1-resin, transferénsia  públika millaun $1,5,  kapitál  menór  $266,750 no kapitál dezenvolvimentu $176,803.

 Jornalista  : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here