Pesoál saúde-sira hala’o hela teste swab ba komunidade ne’ebé atu tama Munisípiu Dili iha pontu entrada Kasnafar, segunda (06/09/21). Imajen Tatoli/António Gonçalves.

DILI, 12 setembru 2021 (TATOLI)-Sala Situasaun Sentru Integradu Jestaun Krize (CIGC, siglá portugés), relata dadus atuál COVID-19 iha territóriu  iha domingu ne’e, rejistu kazu óbitu lima, detetadu foun 133, rekuperadu  186 no kazu ativu  3.105.

Notísia Relevante : COVID-19: óbitu rua, detetadu 74 no rekuperadu 222

Kazu óbitu ida, mane ho idade tinan 14, hela iha Lospalos, la vasina, iha 10 setembru 2021, diagnóstika ho síndroma insufisiénsia respiratória aguda (SIRA) tanba Covid-19, loron ne’e kedas matebian hala’o tratamentu iha Vera Cruz. Matebian sofre mós moras tétanu. Matebian iis-kotu horikalan, 22h10 no família kolabora ho ekipa saúde hodi hala’o funeral tuir protokolu ne’ebé adopta iha Timor-Leste.

Kazu óbitu daruak, mane ida ho idade tinan 63, hela iha Lospalos, seidauk simu vasina, iha loron 5  setembru 2021  diagnóstika ho síndroma insufisiénsia respiratória aguda (SIRA) tanba Covid-19. Loron ne’e kedas matebian hala’o tratamentu iha Lahane no  matebian iis-kotu horikalan iha tuku  22h25,familia kolabora ho ekipa saúde, hodi hala’o funeral tuir protokolu saúde.

Kazu óbitu datoluk, feto ida ho  idade tinan 56, hela iha Suai, seidauk simu vasina, iha loron 11 setembru, diagnóstika ho síndroma insufisiénsia respiratória aguda (SIRA) tanba Covid-19, iha ospitál referénsia Suai, no hahú hala’o tratamentu loron ne’e kedas iha ospitál ida ne’e, tuir protokolu tratamentu ba Covid-19, matebian sofre mós moras diabete ho moras fuan, matebian iis-kotu horikalan iha  19h20, família kolabora ho ekipa saúde, hodi hala’o funeral tuir protokolu saúde.

Kazu óbitu dahaat, mane ida ho  idade tinan 97, hela iha Baucau, seidauk simu vasina, iha 11 setembru, diagnóstika ho síndroma insufisiénsia respiratória aguda (SIRA) tan bá Covid-19, iha Baucau, no hahú hala’o tratamentu loron ne’e kedas iha fatin izolamentu iha Baucau, tuir protokolu tratamentu ba Covid-19, matebian sofre mós moras ipertensaun hodi  iis-kotu horikalan iha tuku 21h12 no parte família kolabora ho ekipa saúde, hodi hala’o funeral tuir protokolu ne’ebé adopta.

Ba kazu óbitu dalima, mane ida ho  idade tinan 41, hela iha Maliana, seidauk simu vasina, iha loron 9  agostu, diagnóstika ho síndroma insufisiénsia respiratória aguda (SIRA) tanba Covid-19. Loron ne’e kedas matebian hala’o tratamentu iha Vera Cruz, tuir protokolu tratamentu ba Covid-19, matebian iis-kotu ohin, 14h10 no  família kolabora ho ekipa saúde, hodi hala’o funeral tuir protokolu saúde.

Kumulativu kazu konfirmadu  sura hosi loron 21 marsu 2020 to’o 12 setembru hamutuk 18.515. Hosi horiseik to’o ohin, teste PCR iha Dili ne’ebé maka Laboratóriu Nasionál Saúde halo hamutuk 286 PCR iha Dili, ho detallu  hanesan tuir mai Vijilánsia sentinela:7, Rastreiu ba kontaktu (Contact tracing):44, Rastreiu Aleatóriu (Random Screening):72, Viajen sai husi serka sanitária Munisipiu Dili:77, Viajen internasionál:5, Follow up iha quarentena:81.

Total testes PCR ne’ebé halo iha  11 setembru, , iha Munisipiu seluk , REAOA  no  HNGV hamutuk 281,kompostu hosi Baucau 70,Ermera 13,Maliana 15, Maubisse 30,RAEOA 36,  Suai 20,  Viqueque 12,  Lospalos 18 no  HNGV 67.

Informasaun kona-ba ospitalizasaun, iha 12 setembru , izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu nain 91, kompostu hosi grave ema na’in 10 (nain 3 uza ventiladór, nain 2 uza CPAP-Continuous Positive Airway Pressure-, 5 uza oksijéniu), moderadu hamutuk  ema na’in 55 no kaman ka leve hamutuk ema na’in 26.

CIGC husu ba  populasaun iha Timor-Leste laran tomak, maske karik simu ona vasina maibé tenke  respeita nafatin regra prevensaun no ijiene individual, ne’ebé Governu hatuur ona, atu prevene moras Covid-19 da’et ba mai.

Regra  prevensaun sira  maka  hanesan uza mascara,  fase liman beibeik ho sabaun ka dezinfetante ruma, evita kose liman ba matan  inus ho ibun, bainhira kumprimenta malu  la presiza ka’er liman bensa-liman rei-malu ka hako’ak malu, evita halibur malu barak,  hamriik ka tur do’ok husi ema seluk mínimu metru ida ho balun.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here