Administradór Aileu, Abel da Conceição. Imajen TATOLI/Arminda Fonseca

DILI, 11 setembru 2021 (TATOLI)Administradór Aileu, Abel da Conceição, hateten, liuhosi reuniaun no aprezentasaun proposta ba Komité Revizaun Orsamentu Polítiku (KROP) kona-ba tetu Orsamentu Jerál Estadu (OJE) 2022, Aileu husu adisionál millaun $3,6.

“Ministériu Finansa prevee tetu tinan fiskál 2022 ba munisípiu Aileu hamutuk millaun $2,7, entaun ita haree alokasaun ne’e la sufisiente ba atividade ne’ebé ita planeia atu implementa iha tinan oin, entaun ita halo tan proposta adisionál hamutuk milliaun $3,6 ba Ministériu Finansa  atu finansia atividade sira,” Administradór Aileu informa ba Agência TATOLI, hafoin reuniaun KROP, iha ministériu Finansa, sábadu ne’e.

Tuir Autoridade munisipál ne’e, orsamentu adisionál sei haree ba rekrutamentu funsionáriu atu serbisu iha administrasaun no kapitál dezenvolvimentu ne’e propoin ba projetu 12, ne’ebé antes ne’e deside liuhosi enkontru koordenasaun munisipál.

“Projetu 12 sei implmenta iha tinan 2022, ne’ebé sei haree liu ba área saúde, agrikultura, edukasaun, bee-moos, estrada, no ponte,” nia akresenta.

Aleinde ne’e, Administrasaun Aileu planeia mós atu sosa fasilidade hanesan komputadór, meza, kadeira, no motorizada iha tinan oin.

Jornalista : Arminda Fonseca

Editora      : Julia Chatarina

HAKEREK NO HATÁN

Please enter your comment!
Please enter your name here