COVALIMA, 10 setembru 2021 (TATOLI) – Servisu Munisipál Asaun Sosiál (SMAS) sei rekruta tan funsionáriu hodi bele garante atendimentu públiku ho di’ak.
“Iha diresaun ida funsionáriu na’in-rua de’it lá sufisiente atu halo atendimentu, ita presiza rekruta tan funsionáriu nune’e servisu bele la’o ho di’ak,” Diretór Servisu Munisipál Asaun Sosiál, Abrão Nascimento ba Agência Tatoli iha nia kna’ar fatin, Suai Loro, sesta ne’e.
Atu garante atendimentu ne’ebé di’ak no dignu iha diresaun ida másimu tenke ema na’in 10, nune’e idak-idak bele hala’o nia servisu no programa ne’ebé iha.
Funsionáriu ne’ebè servisu iha Servisu Munisipál Asaun Sosiál hamutuk na’in neen kompostu hosi apoiu tékniku na’in-rua, finansas na’in-ida, motorista na’in-rua inklui ho diretór.
Jornalista : Celestina Teles
Editór : Francisco Simões
