Ministériu Finansa (MF), liuhosi Autoridade Tributária Timor-Leste (ATTL), Rejionál Baucau, fó kapasitasaun ba kompañia lokál, hamutuk 15 kona-bá rejistu dokumentu kompañia liuhosi portál eletróniku, iha salaun administrasaun Viqueque, sesta (10/09/21). Imajen Tatoli/Vitorino Lopes da Costa.

VIQUEQUE, 10 setembru 2021 (TATOLI)—Ministériu Finansa (MF), liuhosi Autoridade Tributária Timor-Leste (ATTL), Rejionál Baucau, fó kapasitasaun ba kompañia lokál, hamutuk 15 kona-bá rejistu dokumentu kompañia liuhosi portál eletróniku.

Diretór ATTL rejionál Baucau, Nuno Nogeira de Almeida, esplika, kapasitasaun nee atu fasilita kompañia lokál-sira, trata dokumentu kompañia hanesan sertidaun dívidas, sertidaun formuláriu mensál no sertidaun formuláriu anuál.

Notísia relevante:KONEKTIL kapasita profesór relijiaun morál iha Viqueque

“Dala barak kompañia atu trata sira-nia dokumentu tenke halai to’o iha rejionál Baucau no balun tenke halai ba to’o iha nasionál,” Nuno Nogeira de Almeida, hateten ba jornalista, iha salaun administrasaun Viqueque, sesta ne’e.

Tan ne’e, liuhosi reforma ida ne’e hanaran plataforma eletróniku, hodi fasilita kompañia lokál-sira bele asesu ba portál ATTL hodi rejistu iha sira-nia fatin de’it no rejista iha kualkér tempu.

Iha rejionál, kompañia-sira barak mak asesu ona hodi rejista dokumentu eletróniku ATTL, rejionál nian, maibé iha munisípiu barak seidauk, inklui munisípiu Viqueque.

Tanba nee, ohin halibur kompañia lokál-sira iha Viqueque atu fó kapasitasaun no sei atribui user kompañia sira-nian, atu bele uza hodi asesu ba porta ATTL.

Iha fatin hanesan, diretór Kâmara Komérsiu Indústria munisípiu Viqueque, Placido Sarmento, husu kompañia lokál-sira tenki partsipa formasaun ho másimu tanba formasaun ne’e importante.

“Tinan barak ita sempre iha difikuldade ba sertidaun dívidas, nune’e kompañia barak mak lakon oportunidade atu kompete ba projetu-sira,” nia hateten.

Partisipa iha kapasitasaun durante loron ida-ne’e mai hosi kompãnia lokál 15 no sukursál Serbisu Rejistu Verifikasaun Emprezariál (SERVE.IP).

Jornalista: Vitrorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here