Jogadór BOAVISTA FC selebra vitória bainhira hatama golu ba guarda rede KABLAKI FC iha Tasa 12 Novembru 2020 iha Estádiu Munisipál Dili, sesta (20/11). Imajen Tatoli/António Gonçalves

DILI, 10 setembru 2021 (TATOLI) – Sekretáriu Jerál klube Primeira Divizaun Liga Futeból Timor0Leste (LFTL), Karketu Dili FC, Elizeu Isaac, triste bainhira haree no rona klube di’ak ida ne’ebé investe maka’as iha dezenvolvimentu futeból no sai rivalidade di’ak ba Karketu deside taka totalmente no sei la partisipa tan iha kualkér jogu sira hotu.

Notísia Relevante : Boavista deside taka ona klube

“Ita sente triste tanba klube Boavista FC Timor  di’ak, ne’ebé tinan barak investe maka’as iha dezenvolvimentu futeból deside taka ona,” Elizeu hateten ba Agência Tatoli iha nia rezidénsia Dili, sesta ne’e.

Nia dehan, razaun Boavista taka ne’e dalaruma haree mós ba Federasaun Futeból Timor-Leste (FFTL) ne’ebé la tau atensaun sériu ba krize finansiamentu klube sira nian iha situasaun ne’e.

“Parese Boavista haree meiu hotu fó ameasa ba sira-nia finanseiru tanba FFTL mós lakohi rona klube sira, liu-liu iha krize ekonomia ida ne’ebé afeta hela ba ita-nia rai,” nia hateten.

Maski lakon ona rivalidade di’ak ida iha futeból Karketu sei hetan fali rivalidade foun hodi kompete iha jogu ka liga sira tuir mai hodi harame bola mania sira.

Jornalista   : Hotencio Sanchez

Editór        : Francisco Simões

 

HAKEREK NO HATÁN

Please enter your comment!
Please enter your name here