Logotipu EIROS. Imajen/Espesiál.

DILI10 setembru 2021 (TATOLI)—Diretór Ezekutivu Eiros Entrepreneur Institute (EEI), João Paulo Gama Guterres informa, sesta ne’e (10/09) reativa hikas atividade formasaun ba formandu sira tanba Governu hakotu ona konfinamentu domisiliáriu iha munisípiu Dili.

Notísia Relevante: EIROS fó formasaun ba funsionáriu públiku

“Bainhira Governu hakotu konfinamentu domisiliáriu, ami deside hahú fila-fali atividade formasaun atu motiva joven sira hodi aprende no apernde,” João Paulo Gama Guterres, hateten ba Agência Tatoli, via telefónika.

Durante konfinamentu domisiliáriu ne’e, EIROS hala’o formasaun liuhosi online maibé formasaun ne’e la’o ladún di’ak rede internet hosi operasaun telekomunisaun tolu (TT, Telemor, Telkomcel) ne’e la’o neineik loos, ne’ebé difikulta formadór no formandu sira tuir formasaun ne’e la másimu.

Jestór Operasionál Entrepreneur Institute (EIROS), Filipe de Sousa Soares, hateten formasaun ne’e ativa fali tanba maioria formandu sira kompleta ona vasina ba doze daruak, maibé iha formandu na’in-rua mak seidauk vasina tanba sira-nia tinan seidauk to’o.

Maske nune’e, iha fatin formasaun ne’e formandu sira iha obrigasau atu kumpre nafatin regra prevensaun COVID-!9 hosi Ministériu Saúde (MS) no Organizasaun Mundiál Saúde (OMS) hodi fase liman, uza máskara no halo distánsiamentu sosiál.

Totál formandu iha tinan ida-ne’e hamutuk 61 ne’ebé daudaun ne’e tuir hrla formasaun ihab área administrasaun, informátika (IT) no finansa.

Enkuantu totál funsionáriu iha EIROS hamutuk na’in-14, kompostu hosi funsionáriu na’in-neen (6) no formadór na’in-ualu (8).

Notísia Relevante: Ohin, formandu Eiros na’in-129 simu graduasaun

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here