Gelvanio Alberto Marcal "Abaty" . Imajen/Espesiál

DILI, 10 setembru 2021 (TATOLI) – Federasaun Futeból Timor-Leste (FFTL) liuhosi ekipa Tékniku ka treinadór prinsipal selesaun nasionál seniór no U-23, Fábio Magrão demite ona avansadu selesaun nasionál U-23 Gelvanio Alberto “Abaty” hosi lista selesaun.

Adjuntu Sekretáriu Jerál Federasaun FFTL, Frederico Martins hateten, desizaun hasai avansadu selesaun nasionál ne’e tanba la obedese ba regra FFTL ne’ebé adopta hosi Federation International Asosiation (FIFA) no Asian Football Confederation (AFC) nian.

“Demite jogadór ne’e desizaun ekipa tékniku nian, atu mantein disiplina jogadór sira nian kabe ba iha kompeténsia diresaun tékniku nian, entaun ami mós labele halo intervensaun. Nia sai tanba la obedese ba desizaun ne’ebé ekipa tékniku foti,” Frederico ba Agência Tatoli iha edifísiu FFTL, Dili, sesta ne’e.

Tuir informasaun ne’ebé iha jogadór ne’e FFTL diresaun tékniku hasai tanba antes ne’e ba joga hamutuk fali ho ekipa balun iha futsal fulan hira ba kotuk no la obedese ba regulamentu FFTL nian balu.

Tuir regulamentu selesaun nasionál nian bainhira jogadór sira konsentra hamutuk ona mak sei la involve tan iha atividade seluk liu-liu ba joga iha futsal no torneiu futeból sira ne’ebé bele estraga sira nia karreira.

Abaty iha futeból

Iha 2016 bainhira Liga Futeból Amadora (LFA) hahú jogadór ne’e hanesan avansadu prinsipál iha klube Carsae FC ne’ebé iha 2017 troka tia naran ba Boavista FC Timor ne’ebé oras ne’e daudauk taka ona.

Haree ba performa ne’ebé hatudu iha kampu-laran di’ak atria tebes estrutura klube jigante kapitál Dili ho naran estimadu Karketu Dili FC iha tinan 2018.

Iha 2018 Karketu oferese kedan kontratu ba Abaty hodi reforsa klube “matak malirin” ne’e ho númeru kamizola 10.

Jornalista       : Hotencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here