Ema ho defisiénsia (EhD) sira bainhira partisipa iha workshop kona-bá sensibilizasaun Planu Nasionál ba Ema ho Defisiénsia ba Setór Edukasaun 2020-2024, iha Salaun Infordepe, Balide, Dili, 01 Outubru 2020. Imajen TATOLI/António Gonçalves.

DILI, 10 setembru 2021 (TATOLI)—Diretór Dirasaun Nasionál Promosaun Direitu ba Ema ho Defisiénsia, Mateus da Silva, hateten segunda (13/09) semana oin ne’’e ekipa DNPDED sei halo sensibilizasaun Kona-ba Polítika Nasionál ba Ema ho Defisiénsia iha eskola katólika ida iha munisípiu Liquiça.

Notísia Relevante: Tempu badak, Governu sei aprezenta PAN EhD ba Konsellu Ministru

“Segunda semana oin, ita sei aranka ba Liquiça hodi halo sensibiliizasaun kona-ba Polítika Nasionál ba Ema ho Defisiénsia iha eskola katólika ida iha ne’ebá. Sensibilizasaun ida-ne’e atu fó hanoin bae ma labele iha diskriminasaun no trata ema hotu tenke hanesan,” Mateus da Silva hateten ba Agencia Tatoli, iha nia knar fatin, Caicoli, Dili, sesta ne’e.

Liuhosi sensibilizasaun ne’e ema hotu-hotu sei kontribui ba polítika nasionál ba ema ho defisiénsia sira, tanba ne’e objetivu hosi sensibiliizasaun ne’e atu fó hanoin ba komunidade bele respeita no labele halo diskriminasaun ba ema ho defisiénsia sira iha Timor-Leste.

“Sensibiliizasaun ne’e, ita sei haleu munisípiu hotu-hotu maibé ita hein Governu hakotu ona konfinamentu obrigatóriu ka serka sanitaria, tanba regra ne’e mak ita labele aselera ita-nia planu sensibiliizasaun ne’e,” nia dehan.

Diretór ne’e haktuir sensibiliizasaun ida-ne’e koordena ho organizasaun defisiénsia sira hanesan Asosiasaun Defisiénsia Timor-Leste (ADTL) no mós Raes Hadomi Timor Oan (RHTO).

Iha sensu 2012 ema ho defisiénsia iha Timor-Leste hamutuk 48.242, sensu 2015 hamutuk 30.018 maibé tuir peskiza hosi demokrafia saúde identifika sidadaun TL hamutuk 52.356 mak notifika ho kondisaun defisiénsia.

Entretantu, lei-inan RDTL artigu 16 (universalidade no igualdade) iha númeru 1 hateten, sidadaun hotu–hotu hanesan iha lei nia oin no mós iha direitu no obrigasaun hanesan.

Iha númeru 2 haktuir, labele halo diskriminasaun ba ema ida, tanba nia kulit, nia rasa, nia estadu sivíl, nia seksu, orijen étniku, nia lian, pozisaun sosiál eh ekonómiku, hanoin polítiku ka ideolojia, relijiaun, instrusaun eh nia kondisaun fízika eh mentál.

Enkuantu, artigu 21 (sidadaun ne’ebé iha defisiénsia) iha númeru 1 ne’e hateten, sidadaun ne’ebé iha defisiénsia fíziku eh mentál iha direitu mós obrigasaun hanesan sidadaun sira seluk, maibé sira sei la hala’o knaar hirak ne’ebé sira labele hala’o, tanba de’it sira-nia defisiénsia.

Iha númeru 2 haklaken, Estadu, wainhira bele, promove protesaun ba sidadaun sira-ne’ebé iha defisiénsia, tuir lei haruka.

Jornalista : Osória Marques

Editór       :  Cancio Ximenes

HAKEREK NO HATÁN

Please enter your comment!
Please enter your name here