Pesoál saúde sira. Imajen hosi dr. Herculano Seixas dos Santos.

Poezia 

Hosi:

dr. Herculano Seixas dos Santos, espesialista kardiolojia

Ha’u belun di’ak,

Husi vokasaun ha’u kuñese ó,

Bata mutin ne’e mak halibur ita,

Misaun dignu ne’e halo ita sai ida deit.

 

Tempu barak liu mak ha’u hamutuk ho ó atu serbí ema seluk,

ó mak ha’u nia maun alin,

ó mak ha’u nia feton ho naan loloos.

Ita nudar ekipa ida, família ida!.

 

Ó mai iha ha’u sorin atu tulun ha’u,

Ó mai atu kompleta ha’u nia frakeza.

Bainhira ha’u dukur o hadeer nafatin hodi hamaluk moras sira,

Ó mak ha’u nia esperansa.

 

Naha ne’e todan demais, ha’u mesak hulan labele,

Ó nia prezensa bele hakmaan naha todan ne’e,

Ita rua hamutuk luta ba kauza ida de’it “salva vida umana”.

 

Maske kolen ó hatudu nafatin o nia oin midar,

Hateke ba ó nia hamnasa halo ha’u kolen lakon.

Ita nia sakrifisiu halo moras sira senti seguru,

Ita rua nia liman badaen halo moras sira hetan isin di’ak.

 

Obrigadu wain ha’u belun di’ak,

Nai Maromak sei rekompensa ita nia sakrifisiu.

 

Dili,  2 setembru 2021

HAKEREK NO HATÁN

Please enter your comment!
Please enter your name here