Prezidente Autoridade RAEOA, Arsénio Paixão Bano. Imajen TATOLI/Francisco Sony

DILI, 10 setembru 2021 (TATOLI)Prezidente Autoridade Rejiaun Administrativa Óe-cusse Ambeno (RAEOA) halo hela esforsu atu koordena ho empreza ró hodi bele garante konetividade via marítima entre Dili-Oé-cusse bá-mai hodi transporta sasán no ema.

“Transporte marítima Dili-Oé-cusse iha difikuldade, maibé autoridade halo ona esforsu nune’e garante nafatin viajen bá-mai via marítima. Esforsu ne’ebé autoridade halo maka koordena ho empreza Samudra hodi transporta sasán no ema entre rejiaun rua ne’e,” Prezidente Autoridade RAEOA, Arsénio Paixão Bano, informa, hafoin halo aprezentasaun Orsamentu Jerál Estadu (OJE) 2022 RAEOA iha reuniaun Komité Revizaun Orsamentu Polítika (KROP), iha auditorium Ministériu Finansa, Aitarak-laran, sesta ne’e.

Iha sorin seluk, autoridade halo ona ezersísiu hodi hatún presu billete aviaun ligasaun Dili-Oé-cusse hosi $65 ba $40.

“Ema kbiit laek Oé-cusse sempre la’o ba-mai, realidade selu ró ba-mai $20. Kona-ba tula sasán ami buka dalan ona, entaun ami hein katak Governu sentrál halo esforsu atu lori ró seluk troka Tranship II,” Arsénio Bano akresenta.

Notísia relevanteSituasaun COVID-19 difikulta manutensaun ró-ahi Berlin Nakroma no Success

Antes ne’e, ró-ahi Berlin Nakroma no Success mak durante ne’e halo movimentu via marítima ba-mai Dili-Oé-cusse, enkuantu ro-ahi rua ne’e presiza halo manutensaun, maibé to’o agora seidauk tanba situasaun pandemia.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here