Xefe Armazén MSSI Covalima, Osorio Mendonça do Carmo. Imajen Tatoli/Celestina Teles

COVALIMA, 9 setembru 2021 (TATOLI) – Stoke foos menus iha armazén Munisípiu Covalima, tanba ne’e,  Sentru Solidariedade Sosiál (CSS), seidauk bele atende pedidu hosi autoridade lokál ne’ebé identifika família vulneravel atu apoiu foos.

CSS simu ona pedidu hosi autoridade lokál atu apoiu foos ba família vulneravel sira hanesan, pedidu hosi  Postu Fatululik  iha família 265, Fatumea (143) no Suai Vila.

“Ami seidauk bele apoiu  pedidu hosi autoridade  lokál hodi hein foos mai hosi nasionál,” Xefe Armazén MSSI Covalima, Osorio Mendonça do Carmo hateten ba jornalista iha edifísiu MSSI Covalima, Suai Loro, kinta ne’e.

CSS mós buka ona dalan hodi haruka karta ba administradór munisípiu ne’ebé hatún ona despaixu foos saka1,000 ne’ebé kompeténsia hosi administradór atu distribui saka 100 ba Suku Lour iha semana oin.

Stoke foos iha armazén Covalima hamutuk saka 342  ne’ebé la bele  fó apoiu ona ba família vulneravel tanba MSSI liuhosi Sentru Solidariedade Sosiál distribui foos permanente ba instituisaun sira hanesan, Uma Mahon Salele, Sentru Treinamentu Klaret,  Madre sira  iha Maucatar no Kanosiana.

Jornalista   : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here