Gólgota Mall. Imajen/Osória Marques

DILI, 09 setembru 2021 (TATOLI)-Negosiante maioria sidadaun Indonézia ne’ebé durante ne’e fa’an roupa iha Golgota Mall, Comoro, Dili, kontente tebes bainhira Governu hakotu Konfinamentu Obrigatóriu Jerál (KO) iha kapitál Dili.

Negosiante Marlin, hateten nia parte sente tebes bainhira Governu deside KO iha Dili tanba fatin ne’ebé sira uza fa’an sasán kada fulan sempre selu impostu ba kompañia.

“Triste baibain Governu foti desizaun aplika konfinamentu obrigatóriu iha Dili, tanba fatin ne’ebé ami uza ba fa’an ne’e selu karun, no ami mós hela iha uma aluga la ‘kost’ maibé ida ne’e desizaun Governu nian entaun ita tenke halo tuir ,maibé agora deside loke fali ida ne’e ba ami sente kontente tanba ami bele fa’an fila-fali nune’e bele uza han-hemu no selu mós impostu ba kompañia,” Marlin, hateten ba Agência Tatoli iha Golgota Mall, kinta ne’e.

Nia haktuir fatin ne’ebé sira uza fa’an sasán selu impostu depende ba fatin sira aluga ne’e tanba kuartu ida kada fulan selu osan $500 maibé rua entaun $1,000.

Negosiante Lusia Maya, hateten sasán ne’ebé sira fa’an kompara antes no hafoin mosu COVID-19 iha Timor-Leste sasán antes ne’e folin loos loron ida sira bele hetan rendimentu $1,000 maibé agora mosu COVID-19 loron ida sira bele hetan de’it $4.00-resin.

Negosiante Kampu Alor ne’ebé daudaun ne’e halo negósiu iha Golgota Mall okupa kuartu 122, maibé tanba situasaun COVID-19 entaun negosiante balu hahú loke halo negósiu no balu seidauk loke.

Tuir observasaun Agência Tatoli iha terrenu nota katak, negosiante no kompradór sira ne’ebé tama sai iha Golgota Mall kontinua kumpre nafatin regra protokolu COVID-19 nian hanesan fase-liman ho sabaun, uza máskara no distansiamentu fíziku.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here