Jogadór selesaun nasionál sira hahú treinu fiziku. Imajen Tatoli/Hortencio Sanchez

DILI, 09 setembru 2021 (TATOLI) – Adjuntu Sekretáriu Jerál Federasaun Futeból Timor – Leste (FFTL), Frederico Martins, hateten jogadór selesaun nasionál na’in-tolu mak pozitivu Covid-19.

Notísia Relevante : Selesaun nasionál hahú treinu fíziku

“Jogadór na’in tolu mak pozitivu COVID-19, durante Governu deside Konfinamentu Obrigatóriu iha Dili, ami esforsu kedan atu tau jogadór sira iha fatin hamutuk ida no bolu médiku sira halo teste swab ba sira mak rezultadu hatudu na’in-tolu mak pozitivu,” Frederico Martins ba Agéncia Tatoli ha edifísiu FFTL Dili, kinta ne’e.

Nia dehan, daudauk ne’e jogadór sira hela hamutuk iha Hotel Plaza Lecidere, Dili ,no na’in tolu ne’ebé pozitivu halo auto izolamentu iha hotel refere.

Jogadór hirak ne’e kontinua hela iha Hotel ne’e too outubru arranka ba Singapura hodi hala’o jogu play off AFC Cup 2021.

Oráriu treinamentu ba jogadór U-23 no senior sira ne’e orasida sei kontinua lao fali ona iha kampu FFTL Dili tuku 16:00 loraik. Alende ne’e, FFTL mós kontratu ho kompañia balu hodi halo dezinfeta ba material hotu ne’ebé jogadór sira sei utilize durante treinamentu iha kampu no fila ba otél.

Jogadór hamutuk na’in 30, iha ne’ebé hela de’it iha otél sei la hasoru família no ema ruma to’o arranka ba Singapura.

Jornalista  : Hotencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here