Diretór MAP Baucau, Moises Lobato Pereira. Imajen TATOLI/Natalino Belo

BAUCAU, 09 setembru 2021 (TATOLI)–Diretór Ministériu Agrikultura no Peska (MAP) munisípiu Baucau, Moises Lobato Pereira, hateten, daudaun ne’e hahú kolleta hare kulit ba époka daruak iha Baucau tomak.

“Epoka dahuluk iha fulan-juñu finaliza ona no daudaun iha faze époka daruak, iha Baguia irrigasaun tékniku Larisula, Seisal, Sobabere, Kaibada no Vemasse nia foin mak komesa kolleta,” Diretór MAP Baucau informa ba Agência TATOLI, iha ninia knaar fatin, Administrasaun munisipál, Villa nova, kinta ne’e.

Iha tinan ne’e, área kolleta pur volta ektare 80.000 no produtividade kompara ho tinan kotuk aumenta.

“Dadus fixu loloos seidauk iha tanba daudaun iha faze analiza no seidauk bele anunsia, maibé ektare 80 bele kolleta pur volta tonelada 200 resin, enkuantu tinan ne’e ektare 1 bele kolleta besik tonelada 3 to’o 4 no produtividade tinan ne’e aumenta,” nia subliña.

Área kolleta iha Lalisura, Bulutu Vemase, Seisal, Laga, Quelicai, Venilale, Gariuai, Uailili, Kaibada, Samalari no Buruma.

Jornalista : Natalino Belo

Editora     : Julia Chatarina

HAKEREK NO HATÁN

Please enter your comment!
Please enter your name here