Logotipu FDCH

DILI, 09 setembru 2021 (TATOLI) – Diretór Ezekutivu Fundu Dezenvolvimentu Kapitál Humano (FDCH), Hermenegildo da Silva, hateten proposta orsamentu milaun $25 ne’ebé liña ministeriál 23 aprezenta bá Ministériu Finansas elimina tiha to’o milaun $10.

Diretór FDCH, Hermenegildo afirma katak iha livru 6 FDCH nian inskrita hamutuk liña ministeriál 23. Hosi liña ministeriál sira-ne’e maka hamutuk aprezenta proposta OJE 2022 ba MF atu hetan apresiasaun.

“Ita la espera atu sai hanesan ne’e. Entaun saida mak ami bele halo maka tenke halo ezersísiu hodi konfirma fali ho liña ministeriál sira hodi bele elimina osan sira-ne’e, atu nune’e, bele hetan pakote milaun $10 de’it”, dehan Diretór Hermenegildo bá jornalista sira iha edifísiu Ministériu Finansas, Dili, kinta ne’e.

Hosi konfirmasaun no ezersísiu ne’ebé FDCH halo konsege hela de’it liña ministeriál 19 mak eskrita iha livru 6 FDCH nian ho orsamentu milaun $10 maske orsamentu elimina ba milaun $10 maibé liña ministeriál sira nafatin hato’o ejijénsia importante no prioridade hodi ezije  FDCH mós tenke halo ezersísiu.

“Ami hamutuk ho liña ministeriál 19 ne’e hato’o proposta ba konsellu administrasaun atu bele halo apresiasaun ho KROP,” tenik nia.

Total pakote adisionál hosi liña ministeriál 19 ne’e hamutuk maka milaun $9-resin ne’ebé hosi pakote adisionál ne’e maka segunda agora sei aprezenta iha KROP hodi hetan apresiasaun.

Jornalista : Tomé Amado

Editór       : Francisco Simões

 

HAKEREK NO HATÁN

Please enter your comment!
Please enter your name here