Carro funerário iha rai sira avansadu. Imajen/foti hosi Google

COVALIMA, 8 setembru 2021 (TATOLI) – Servisu Munisipál Asaun Sosiál (SMAS)  Covalima, dezde fulan agostu, tinan ne’e, atende ona pedidu hosi família hodi transporta mate-isin 27 ba postu administrativu sira ne’ebé pertense ba Munisípiu Covalima.

Diretór Servisu Munisipál Asaun Sosiál, Abrão Nascimento, informa mate-isin 27 ne’e kompostu hosi feto na’in-12, mane-13, anju-oan ida no restus mortais  ida. pedidu sira ne’e mai hosi komunidade no família matebian sira  iha Postu Suai Vila, Zumalai, Fohorem, Fatumea no Maucatar

Maske ho de’it Carro Funerário rua  ne’ebé lá sufisiente hodi kobre iha Postu Administrativu hitu iha Covalima, maibé atendimentu la’o ho di’ak .

Diretór  Abrão mós hato’o pedidu ba iha nasionál, iha tinan 2021 ne’e sei aloka carro funerário ida mai iha Covalima  no orsamentu 2022 mós hosi nasionál aloka tan carro funerário ida mai iha Covalima halo atendimentu kobre iha postu administrativu sira iha Covalima.

Jornalista   : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here