Ambiente Klínika Bairru- Pité. Imajen/Facebook

DILI, 08 setembru 2021 (TATOLI)—Hahú hosi janeiru to’o agostu 2021, inan isin-rua ne’ebé hala’o tratamentu iha Klínika Bairru-Pité hamutuk 2.982, hosi númeru ne’e iha bebé 333 mak konsege moris iha Klínika ne’e ho kondisaun normál.

“Iha janeiru bebé ne’ebé moris hamutuk 25, fevereiru 32, marsu 27, abríl 41, maiu 55, juñu 48, jullu 36, agostu 46 no setembru foin mak 29, maibé na’in-neen mak refere ba Ospitál Nasionál Guido Valadares no 23 mak partus mormál iha klinika ne’e,” Komunikadu ne’ebé Tatoli asesu, kuarta ne’e.

Notísia relevante:Tinan 2020, MS Propoin Rihun $180 ba Klínika Bairru Pite

Xefe Maternidade Klínika Bairru-Pité, Francisca Wonga Bu, hateten totál inan isin-rua ne’ebé hala’o tratamentu ka konsulta durante fulan ualu nia laran hamutuk 2.982 no bebé ne’ebé moris ho kilograma menus hosi rua maka parte Klínika refere kedan ba iha HNGV.

Inan isin-rua ne’ebé partus ladún normál, parte klínika halo kedan tranferénsia ba HNGV tanba klínika nia fasilidade  ladún sufisiente, inklui espesialista seidauk iha, hodi haree ba inan-sira ne’ebé mak partu  komplikadu.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here