Vasina AstraZeneca, sesta (21/05/21). Imajen Tatoli/António Gonçalves.

OÉ-CUSSE, 08 setembru 2021 (TATOLI)—Sentru Informasaun COVID-19 iha Rejiaun Administrativa Espesiál Oé-Cusse Ambeno (RAEOA), kuarta ne’e rejista kazu ema mate ho COVID-19 na’in-ida (1), pozitivu na’in-neen (6), ativu na’in-41 no rekoperadu 196.

Notísia Relevante: COVID-19 iha RAEOA: óbitu ida, pozitivu 10 no ativu 37

“Ohin, ita rejista óbitu na’in-ida (1), pozitivu na’in-neen (6), kazu ativu hela ka baixa hela iha sala izolamentu hamutuk 41 no hein hela rezultadu teste-swab hamutuk na’in-16,” Sekretáriu Rejionál Asuntu Saúde, Manuel da Costa, informa ba Agência Tatoli iha Sikluli, Oé-Cusse, kuarta ne’e.

Kazu ativu na’in-41 ne’e, daudaun ne’e baixa hela iha sala izolamentu Alfandega Mahata na’in-10, Klinika Kurasaun na’in-haat (4), Kitahara Mahata hamutuk na’in-25 no auto-izolamentu na’in-rua (2).

Nia informa, pasajeiru sira-ne’ebé tama Oé-Cusse kumpre hela kuarentena hamutuk 32, ne’ebé oras ne’e hela iha auto-kuarentena Fulolo na’in-haat (4), kuarentena Sakato na’in-ida (1), auto-kuarentena iha rezidénsia Domingos Salu nin na’in-ida (1), kuarentena Eskola ETARO Masin na’in-23, auto-kuarentena iha rezidénsia Mateus Sufa nian na’in-ida (1), auto-kuarentena Palaban na’in-ida (1) no auto-kuarentena iha rezidénsia Veronika Oématan nian na’in-ida (1).

Dadus pasajeiru sira-ne’ebé kumpre kuarentena obrigatóriu 1.590, auto-kuarentena 300 ho totál hamutuk 1.890 no pasa ona kuarentena loron 14 hamutuk 1.832.

Tuir dadus hosi 23 marsu 2020 to’o 08 setembru 2021, totál dadus komulativu kazu konfirmadu hamutuk 238, hasai teste-swab 44, RDT swab 167, komulativu teste-swab 3.232, komulativu rezultadu negativu 2.961.

Dirijente saúde ne’e apela ba komunidade sira atu mantein uza máskara maske hetan ona vasina dala-rua, maibé tenke fase liman beeibeik no halo distánsiamentu sosiál.

Jornalista : Abílio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here