Sekretáriu Estadu ba Asuntu Kombatente Libertasaun Nasionál (SEAKLN), Gil da Costa ‘Oan Soru’. Imajen TATOLI/António Gonçalves

DILI, 07 setembru 2021 (TATOLI)–Sekretáriu Estadu ba Asuntu Kombatente Libertasaun Nasionál (SEAKLN), Gil da Costa ‘Oan Soru’, hateten, nia parte la husu orsamentu adisionál iha Komisaun Revizaun Orsamentu Polítika (KROP) tanba iha ona tetu millaun $88 ne’ebé sufisente ba planu no programa iha ba tinan 2022.

“Ami mantein tetu orsamentu ne’ebé Ministériu Finansa (MF) fó mai hamutuk millaun $88, maibé tuir lista ami presiza millaun $9, tanba ne’e halo ona ajustamentu iha tetu Orsamentu  Jerál Estadu (OJE) 2020,” Sekretáriu Estadu Oan Soru, hateten, iha resintu MF, Aitarak-laran, tersa ne’e.

Durante diskusaun ho KROP, SEAK foku ba kategoria kapitál dezenvolvimentu hodi bele hadi’a jardín erói sira iha munisípiu 12 inklui Rejiaun Administrativa Espesiál Oé-cusse Ambeno (RAEOA).

“Ita fó prioridade hadi’a jardín erói tuir ita-nia kapasidade finaseira ne’ebé kada tinan aloka mai hodi haloot saudozu ka eroi sira ho dignu,” nia hatutan.

Tuir planu, SEAK sei konstrui tan jardín eroi 13 iha Baucau, ne’ebé presiza konstrui rua iha área Quelicai no Laga, iha Lautém konstrui rua iha Iliomar no kapitál Lospalos no Manatuto kostrui ida iha Natarbora.

Jornalista : Florêncio Miranda Ximenes

Editora      : Julia Chatarina

HAKEREK NO HATÁN

Please enter your comment!
Please enter your name here