Dionísio de Jesus Lopes.

Poezia

Hosi:

Dionisio de Jesus Lopes

 

Lalehan ne’ebé sosa hó jellu manas ho udan been,

Júlio Cesar ho nia-oan sira mak ukun.

Nia-oan sira dala barak hatudu,

Milagre oi-oin.

 

Milagre ne’ebé tuir ukun fuan lalehan nian,

Kakatua ho asu-oan nurak sira hahí.

Milagre ne’ebé kontra ukun fuan,

Sira observa no hafuhu tuir.

 

Kakatua sira hakfuik,

Asu oan nurak sira hatenu.

Fanu Saun Pedro iha lalehan,

Nia buka tuir sira ne’ebé  mak kontra!

 

Nia konsege hetan,

Deklara ba povu sira iha lalehan katak,

Iha indikasaun duni kona-ba,

Sinál ne’ebé mak kakatua ho asu-oan nurak fó.

 

Nia haruka kedas karta ba Júlio Cesar,

Atu deside hodi haruka nia-oan sira,

Ne’ebé mak kontra ukun-fuan lalehan nian,

Ba direitamente hatán iha lalehan.

 

Oras ne’e dadaun sira barak mak

Hein iha purgatóriu.

Hodi resposta ba Saun Pedro,

Tuir oráriu ne’ebé mak fixu tiha ona.

 

Sira ne’ebé mak konsiénsia mo’os,

Sei haruka fila fali ba lalehan.

Sira ne’ebé mak konsiénsia foer,

Sei haruka ba inferno.

 

Reinu sira iha lalehan,

Matan moris ho neon na’in hodi observa!

Infernu existe hotu ba Júlio Cesar nia-oan sira kala’e?

Bele kala’e Saun Pedro sé tilun loloos?

HAKEREK NO HATÁN

Please enter your comment!
Please enter your name here