Ilustrasaun COVID-19. Imajen/Espesial

COVALIMA, 6 setembru 2021 ( TATOLI) – Pesoál saúde na’in-20 iha sentru saúde Zumalai, Munisípiu Covalima  pozitivu COVID-19.

“Ami nia pesoál saúde hanesan enfermeiru,  parteira, médiku no tékniku sira iha  sentru saúde Zumalai na’in-20 pozitivu COVID-19 no sira halo hela tratamentu,”  diretór servisu saúde Munisípiu Covalima, Filipe Pereira Lemos, informa ba Agência Tatoli iha Munisípiu Covalima, segunda ne’e.

Servisu saúde Munisípiu Covalima koloka ona pesoál saúde sira hanesan, médiku parteira, enfermeira  no farmásia hosi sentru saúde no munisípiu dezloka ba sentru saúde Zumalai, Postu Administrativu Zumalai, nune’e kontinua halo atendimentu ba komunidade ne’ebé presiza.

Dadus hosi  servisu saúde Munisípiu Covalima hatudu katak sidadaun pozitivu COVID-19 iha Covalima  hamutuk na’in-188. Pasiente hirak ne’e iha kumpre izolamentu iha Bairru Costa na’in 20, iha otél Elivan na’in-16, iha Ospitál Referal Covalima na’in-lima (5), iha Salele na’in-31 no auto izolamentu nain- 99.

Iha loron 5 setembru tinan ne’e,  pasiente COVID-19 rekupera iha Munisípiu Covalima hamutuk 111.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here