Médiku-sira prepara hela vasina hodi oferese ba komunidade. Imajen Tatoli/António Gonçalves.

DILI, 06 setembru 2021 (TATOLI) – Xefe Suku Asumano, Postu Administrativu Liquiça Vila, Munisípiu Liquiça, Bernardino Martins, informa maioria populasaun seidauk iha nia suku seidauk simu vasina.

“Populasaun ita nian iha ne’e simu vasina ne’e mínimu liu foin mak 20%, ami esforsu hato’o informasaun, maibé populasaun sira mak la kontribui atu simu vasina,” Xefe Suku  Bernardino Martins, haktuir ba Agência Tatoli via telefone, segunda ne’e.

Nia dehan, médiku sira ba fó vasina ba komunidade sira iha Asmano dala-rua ona, maibé komunidade sira mak ladún kolabora no laiha partisipasaun másimu.

“Komunidade sira barak liu rona informasaun falsu sira mak halo sira ta’uk hodi la mai vasina, maibé hanesan autoridade lokál ami sempre fó beibeik informasaun, mais sira la mai ami mós labele ba obriga sira,” Bernardino hateten.

Populasaun iha Suku Asumano  hamutuk 2,700-resin, ne’ebé horik iha aldeia haat (4) mak hanesan Aldeia Caicaersico, Siskoelema, Atuatidu ho Cirlelo.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here