Prezidente Konsellu Radio Komunidade Defisiénte, Gaspar Afonso. Imajen Tatoli/Francisco Sony.

DILI, 06 setembru 2021 (TATOLI)—Diretór Ezekutivu Asosiasaun Halibur Defisiénsia Matan Timor-Leste (AHDMTL), Gaspar Afonso, hateten ema ho defisiénsia matan sira presiza konstrusaun igreja iha Timor-Leste bele akomoda asesibilidade ba ema ho defisiénsia sira.

Notísia Relevante: Despaisu MOP orienta konstrusaun públiku akomoda asesibilidade ema ho defisiénsia

“Ami defisiénsia iha Timor-Leste mós barak maibé igreja sira iha territóriu nasionál maiória seidauk iha asesibilidade ba konstrusaun, atu nune’e ema ho defesiénsia matan mós bele partisipa misa hanesan ho ema normál sira,” Gaspar Afonso hateten ba Agência TATOLI, hafoin hasoru malu ho Reprezentante Santa Sé iha Timor-Leste, Marco Sprizzi iha tersa (31/08) liubá, liuhosi telefónika, segunda ne’e.

AHDMTL mós hasoru malu ho reprezentante Santa Sé Iha Timor-Leste bele fasilita no apoiu finanseiru ruma ba AHMDT liu-liu bele hatutan preokupasaun ne’e ne’e ba bispu sira iha Timor-Leste kona-ba asesibilidade, nune’e ema ho defisiénsia sira mós bele partisipa misa.

Nune’e mós, AHDMTL kontinua husu reprezentante Santa Sé iha Timor-Leste atu futuru halo kooperasaun oinsá halo advokásia iha mundu liu-liu kooperasaun ho organizasaun Miseriór iha mundu kona-bá hametin espirituál ba ema ho defisiénsia sira.

Reprezentante Santa Sé prontu apoiu AHDMTL no Monsenhor Marco Sprizzi sei hato’o AHDMTL nia preokupasaun ne’e ba Bispu Dioseze Baucau Don Basílio do Nascimento, Arsebispu Arkedioseze Metropolitana Dili Don Virgílio do Carmo da Silba, SDB, Bispu Dioseze Maliana Don Norberto do Amaral, nune’e bele tau iha konsiderasaun.

Aleinde ida-ne’e, Diretór AHDMTL ne’e mós relata kona-ba asesibilidade konstrusaun ba edifísiu instituisaun Estadu sira mós presiza duni iha asesibilidade ba konstrusaun, nune’e ema ho defisiénsia matan mós bele asesu.

Tanba, nia dehan, durante ne’e AHDMTL ho nia membru hasoru dezafiu barak no defisil atu solusiona problema ne’ebé AHDMTL enfrenta bainhira la’o ba igreja no instituisaun Estadu ne’e liaha asesibilidade ba konstrusaun.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here