logo tipu arte marsiál PSHT, KORK no IKS Kera Sakti. Imajen/Repro

BAUCAU, 05 setembru 2021 (TATOLI) – Grupu Arte Marsiál (GAM) neen ne’ebé eziste iha Postu Admirativu Baguia, Munisípiu Baucau, realiza paktu asaun kompromisu no halo ‘juramentu’ ba hametin unidade hodi kontribui ba dezenvolvimentu.

Prezidente Sub-Komisaun Reguladóra Arte Marsiál (KRAM) Baucau, Padre Justiano de Sousa, SDB, hateten programa refere organiza hosi Dioseze Baucau liuhosi Parókia Baguia ho intensaun atu hakuak joven hotu iha organizasaun ne’ebé diferente hodi entrega aan iha uma-kreda.

“Uma kreda nu’udar bibi atan ba ninia bibi sira, organiza ho intensaun akumula oan sira ne’ebé integra aan iha GAM hotu iha postu, parókia Baguia ba iha uma kreda ho intensaun kria pás, estabilidade, unidade nune’e joven sira haree malu di’ak hodi bele dezenvolve nasaun ba oin,” Padre Justiano  B de Spusa, SDB, informa ba Agência Tatoli liuhosi telefónika, domingu ne’e.

Kona-ba regra Estadu nian nafatin lao tuir nia dalan, maibé Igreja kontribui atu oinsá kria pás no estabilidade iha Postu Baguia.

Padre Justiano hatutan, liuhosi enkontru ho reprezentante organizasaun arte marsiál hotu konkorda ona programa hanesan sei kontinua realiza iha postu lima seluk no iha tempu besik sei realiza tan iha Postu Quelicai no Baucau Villa ho objetivu hakarak kria estabilidade entre juventude atu nune’e Baucau bele hakmatek no muda Baucau hosi títulu muturabu (konflitu) bele sai muturau (dame).

Padre Justiano esplika, Amu lulik hamutuk ho entidade seguransa no sivíl Munisípiu Baucau liuhosi atividade refere fó hanoin no aprezenta mós palestra hosi KRAM nasionál kona-ba regra Estadu nian ligadu ho regulamentu ka rekizitu atu reativa hikas atividade arte marsiál tolu ne’ebé durante ne’e taka.

Membru sira GAM asina asaun kompromisu hametin unidade iha sábadu (04/09),  mai hosi Ikatan Keluarga Silat Putra Timor-Leste-Kera Sakti (IKS PTL), Persaudaraan Setia Hati Terate (PSHT), Kmanek Oan Rai Klaran (KORK), Serulin Dewata, Padjajaran no THS-THM.

Asiste serimónia ne’e lian nain sira, autoridade lokál, KRAM Nasionál, Komandu Polísia Nasionál Timor-Leste (PNTL) Munisípiu Baucau, Bispu Dioseze Baucau, Dom Basílio do Nascimento, ho Komunidade Postu Baguia.

Jornalista   : Natalino Belo

Editor         : Francisco Simões

HAKEREK NO HATÁN

Please enter your comment!
Please enter your name here