Diretora Apoiu Servisu Klinika Hospital Referénsia Oé-Cusse, Catarina da Costa Conceicao Anunu. Imajen Tatoli/Abílio Elo Nini.

OÉ-CUSSE, 03 setembru 2021 (TATOLI)–Diretora Apoiu Servisu Klinika Hospitál RAEOA, Catarina da Costa Conçeição Anunu, informa maske iha situasaun pandemia COVID-19 nia laran maibé estoke ai-moruk iha armajen Hospital Referensia Oé-Cusse sei sufisiente hodi fó atendimentu ba komunidade.

“Atu responde ba nesesidade iha hopsitál liu-liu ba atendimentu pasiente sira bainhira hala’o konsulta ne’e, ita-nia estoke ai-moruk sufisiente hela,” Catarina da Costa Conçeição Anunu hateten ba Agência Tatoli, iha Oé-Cusse, sesta ne’e.

Estoke ai-moruk sei sufisiente tanba kada fulan Servisu Apoiu Klinika Hospitál Referensia Oé-Cusse, submete pedidu proposta ba Servisu Autónomu Medikamentu no Ekipamentu Saúde (SAMES) iha tipu tolu hanesan pedidu regulár, pedidu estra no pedidu emerjensia.

Karik aimoruk uza ba emerjénsia balun la sufisiente ba fulan ida-nia laran, servisu apoiu hospital halo pedidu emerjénsia no iha pedidu nian laran mak haluha tiha item balun, entaun sei kontinua halo-tán pedidu estra ba SAMES.

Servisu Apoiu Kliníka Hospitál Referensia Oé-Cusse ona nafatin halo kooperasaun di’ak ho SAMES no ai-moruk sira-ne’e sempre mai ho seguru, tanba ne’e ma estoke ai-moruk sufisiente nafatin hodi atende ba pasiente sira-ne’ebé moras.

Ai-moruk iha armajen ne’e sei iha item barak hanesan amocilin, paracetamol, vitamina, ai-moruk injesaun nian iha tableta, xarrope, no importante liu mak oksijéniu daudaun ne’e sei unidade 150. Entaun, ita-nia estoke ai-moruk iha Hospitál Referénsia Oé-Cusse sufisiente hela,” nia dehan.

Jornalista : Abílio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here