Administradór postu administartivu Uatulari Manuel do Rosário no administradór Uatucarbau, Alfredo dos Santos, simu pose iha salaun Munisípiu Viqueque, sesta (03/09/21). Imajen Tatoli/Vitorino Lopes da Costa.

VIQUEQUE, 03 Setembru 2021 (TATOLI)—Adiministradór Munisípiu Viqueque, Januário Soreas ‘Bolly’, fó pose  ba administradór postu administrativu Uatulari no Uatucarbau ho mandatu tinan haat.

“Administradór na’in-rua ne’e simu pose tanba liu hosi selesaun méritu no tuir sistema dijitalizasaun ne’ebé aplika iha diministrasaun Timor-Leste,” Januário Soreas ‘Bolly’ hateten iha serimónia pose, iha salaun Munisípiu Viqueque, sesta ne’e.

Notísia relevante:Administradór postu administrativu na’in-ha’at iha Bobonaro simu pose

Nia agradese ekipa juri ba rekrutamentu adiministradór-sira ne’ebé lidera hosi Vise-Ministru Adiministrasaun Estatál hanesan Prezidente juri no Komisaun Funsaun Públika (KFP) nia apoiu durante fulan neen, hahú fevereiru to’o agostu 2021.

Ministériu Administrasaun Estatál (MAE) kumpre rekrutamentu méritu tuir lei númeru 7/2009 kria Komisaun Funsaun Públika no artigu 83 númeru 2 hosi dekretu lei 54/2020 iha loron 28 outubru ba alterasaun daruak ba dekretu lei númeru 3/2016, 16 marsu  ne’ebé aprova estatutu administrasaun munisipál hodi desentraliza administrativa.

Adiministradór na’in-rua ne’ebé simu pose mak hanesan administradór postu administartivu Uatulari Manuel do Rosário no administradór Uatucarbau, Alfredo dos Santos.

Adiministradór postu  administrativu Uatukarbau, Alfredo dos Santos, promete sei serbisu hamutuk ho parte hotu no kontinua programa-sira ne’ebé seidauk remata akompaña to’o hotu.

Nune’e mós adiministradór postu administrativu Uatulari, Manuel do Rosário, konsidera kargu adiministradór  hanesan  kargu ida  ne’ebé todan, maibé nafatin husu tulun ba adiministradór sesante hodi fó apoiu atu dezenvolve postu Uatulari.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here