Administradór Munisípiu Manufahi, Arantes Isaac Sarmento. Imajen Tatoli/Dok

DILI, 02 setembru 2021 (TATOLI)-Administradór Munisípiu Manufahi, Arantes Isaac Sarmento,  informa, sesta (03/09), nia parte sei fó tomada pose ba Adelino da Costa de Araújo,  administradór foun Postu Administrativu Same, Munisípiu Manufahi.

Arantes Isaac Sarmento informa ba Agência Tatoli liuhosi telefónika, kinta  ne’e hateten, Adelino da Costa de Araújo ne’ebé aban sei simu pose sai Administradór Postu Administrativu Same hodi hodi troka Amandio da Conceinção.

Antes ne’e, Adelino da Costa de Araújo tuir  rekrutamentu pur-méritu bazeia ba dekretu lei númeru 3/2016 ne’ebé define knaar no durasaun Administradór nian.

Prosesu rekrutamentu ba Administradór Postu Administrativu Same nian hahú iha agostu 2021, maibé natureza sira-nian ne’e konkursu interna la’ós nasionál ne’ebé prosesu ne’e lais tanba konkursu refere durasaun fulan ida de’it.

“Bainhira kandidatu sira tuir konkursu liu iha selesaun dokumentu, tuir kedas entrevista ne’ebé Adelino da Costa de Araújo nia mak pasa iha entrevista,” Arantes Isaac Sarmento hateten.

Administradór foun ba Postu Administrativu Same, Adelino da Costa de Araújo, nia mandatu tinan haat (2021-2025).

Jornalista       : Arminda Fonseca

Editór             : Francisco Simões

 

HAKEREK NO HATÁN

Please enter your comment!
Please enter your name here