Atividade inspesaun AIFAESA ba operadór ekonómiku. Imajen/AIFAESA

DILI, 02 setembru 2021 (TATOLI)–Autoridade Inspensaun, Fiskalizasaun Atividade Ekonomia, Sanitária no Alimentár (AIFAESA) halo inspesaun iha terrenu no nota katak folin foos iha Dili normál durante períodu konfinamentu domisiliáriu Jerál.

“Ami-nia ekipa halo inspesaun ba distributór foos no loja-sira durante implementasaun konfinamentu domisiliáriu jerál iha Dili hatudu folin foos normál,” Diretór Operasaun AIFAESA, Gabriel da Costa, hateten, ba Agência TATOLI, via telefónika, kinta ne’e.

Iha inspensaun ne’e hatudu foos ho marka oin-oin, kilograma 20 ho folin $10,50, kilograma 25 ho $11,50 no $12,50 no kilograma 30 ho folin $15.

Nune’e, AIFAESA kontinua halo inspensaun no kontrola folin nesesidade bázika iha loja no supermerkadu atu evita presu sa’e iha merkadu.

“Ami to’o agora seidauk hetan iha loja ka supermerkadu iha Dili hasa’e folin nesesidade bázika,” nia afirma.

Tuir Dekretu-Lei 29/2011, kona-ba presu justu, kuandu kompañia sira fa’an $10 to’o $15 konsidera iha aumentu 10% ne’ebé ho kategoria normál.

Enkuantu, AIFAESA deteta  folin foos to’o $18 to’o $19 no pior liu fa’an to’o $20, sei halo investigasaun tanba liu ona 10% ka liu presu justu.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here