Formandu sira halo atividade kona-bá agrikultura nian. Imajen/Espesiál.

DILI01 setembru 2021 (TATOLI)—Diretór Sentru Dezenvolvimentu Komunitáriu (CDC, sigla portugés) Baucau, Vicente Matos Belo informa,tenke daudaun ne’e CDC suspende atividade formasaun tanbá Governu implementa serka sanitária iha Munisípiu Baucau.

“Ami hetan informasaun hosi SEFOPE katak, provisóriu ami suspende atividade formasaun. Hafoin ne’e, to’o loron ualu fulan setembru mak SEFOPE fó fali informasaun mak ami hato’o fila-fali ba ami-nia formandu sira, tanbá dadaun ne’e ami haruka sira fila ba uma,” Vicente Matos Belo, hateten ba Agência Tatoli, via telefónika, kuarta ne’e.

Nia dehan, se iha loron 08 setembru ne’e mak serka sanitária ramata ona, entaun CDC sei fó informasaun ba formandu sira, atu hahú hikas formasaun iha loron 10 fulan ne’e.

Bainhira, atividade formasaun hahú fila-fali, sentru ne’e sei fó sai informasaun liuhosi Whatsap Grupu ba formandu sira, ho nune’e sira bele fila-fali mai hodi tuir formasaun.

Entretantu totál formandu ne’ebé tuir formasaun hamutuk 43 no hosi númeru ne’e formandu sira-ne’ebé tuir formasaun iha área Agrikultura Jerál ba sertifikadu I.

Jornalista : Nelia Fernandes

Editór       : Cancio Ximenes

HAKEREK NO HATÁN

Please enter your comment!
Please enter your name here