Logotipu MEJD

DILI, 01 setembru 2021 (TATOLI)-Ministériu Edukasaun Juventude no Desportu (MEJD), liuhosi Diresaun Nasionál Infraestrutura Edukasaun (DNIE), kuarta ne’e, realiza atividade Programa Konstrusaun no Reabilitasaun Infraestrutura Edukativa hodi disemina mata-dalan implementasaun projetu komunitáriu nian iha Munisípiu Manufahi.

Notísia Relevante : MEJD divulga matadalan kona-ba reabilita eskola 16 iha Covalima

Administradór Munisípiu Manufahi, Arantes Isaac Sarmento hateten, Programa Konstrusaun no Reabilitasaun Infraestrutura Edukativa (PKRIE) ne’e programa ida ne’ebé iha VIII Governu Konstitusionál  hodi hatán ba populasaun sira-nia ezijénsia no halerik iha setór edukasaun, liuhosi Orsamentu Jerál Estadu (OJE) 2021.

“Reprezentante hosi MEJD hamutuk ho Administrasaun Munisípiu liuliu Diresaun Jerál Polítika Planu Inkluzaun Informasaun nian halo diseminasaun kona-ba ba programa konstrusaun no reabilitasaun infraestrutura edukativu ba diretór eskola sira iha Munisípiu Manufahi,” Arantes Isaac Sarmento ba Agência Tatoli liuhosi telefónika, kuarta ne’e.

Nia hatutan, eskola iha Manufahi ne’ebé tinan ne’e tama ba programa konstrusaun no reabilitasaun ne’e hamutuk 15, hahú hosi Pre-eskolár to’o Ensinu Sekundária no Tékniku Vokasionál sira.

Hodi garante kualidade ba programa ne’e la’o di’ak mak MEJD hahú ona mata-dalan implementasaun Programa Konstrusaun Reabilitasaun Infraestrutura Edukativu nian tuir despaixu  ministeriál númeru 35 ne’ebé sei sai baze legál ida hodi regula lala’ok tomak projetu komunitáriu hosi MEJD.

Jornalista   : Arminda Fonseca

Editór         : Francisco Simões

HAKEREK NO HATÁN

Please enter your comment!
Please enter your name here