Reuniaun Konsellu Ministru iha auditorium Ministériu Finansa, Aitarak-laran, kuarta (01/09). Imajen TATOLI/Francisco Sony

DILI, 01 setembru 2021 (TATOLI)Governu liuhosi reuniaun Konsellu Ministru (KM) deside impoin serka sanitária iha munisípiu Manufahi durante loron 14, hahú hosi loron 02 fulan-setembru to’o 15 setembru 2021.

Ministru Prezidénsia Konsellu Ministru, Fidelis Manuel Leite Magalhães, hateten, desizaun ne’e ezekutivu sira hasai hafoin analiza aprezentasaun hosi Sala Situasaun, Sentru Integradu Jestaun Krize (CIGC, sigla portugés).

“Ho nune’e, bandu ema atu tama no sai hosi munisípiu ne’e, exetu tanba seguransa públika, saúde públika, asisténsia umanitária, manutensaun sistema abastesimentu públiku ka realizasaun interese públiku,” Ministru Fidelis relata hafoin reuniaun ezekutivu, iha auditórium Ministériu Finansa, Aitarak-laran, kuarta ne’e.

Enkuantu, serka sanitária sira seluk ne’ebé sei vigora hela la sofre alterasaun.

Nune’e, proibisaun hirak ne’e la abranje ba ema hirak ne’ebé maka komprova ona vasinasaun kompleta ka doze rua kontra COVID-19 inklui labarik kiik sira ho idade tinan-neen mai kraik ne’ebé akompaña ema hirak ne’e.

Jornalista : Antónia Gusmão

Editora      : Julia Chatarina

HAKEREK NO HATÁN

Please enter your comment!
Please enter your name here